ქართულ მხარეს ცხინვალის ოკუპირებულ რეგიონში ქართული ძეგლების მდგომარეობის შესახებ ინფორმაცია არ აქვს.
როგორც დღეს, ტერიტორიული მთლიანობის აღდგენის დროებითი საპარლამენტო კომისიის სხდომაზე კულტურული მემკვიდრეობის დაცვის ეროვნული სააგენტოს უძრავ ძეგლთა ატრიბუციის და მონიტორინგის სამართველოს უფროსმა გიორგი გაგოშიძემ განაცხადა, ცხინვალის რეგიონში არსებულ ძეგლების შესახებ ძალიან მწირი ინფომაცია აქვთ.
„ცხინვალის რეგიონზე ძალიან ცოტა რამ ვიცით. მხოლოდ ის, რაც ომის დროს მოხდა. კერძოდ ვიცით, რომ 2008 წელს აგვისტოს ომის დროს აჩაბეთში მაჩაბლების სახლმუზეუმი დაიწვა და სვერში XVII-XVIII საუკუნის ხის ეკლესია განადგურდა", - აღნიშნა გაგოშიძემ.
მისივე თქმით, ასევე საუბარია, რომ XIII საუკუნის თიღვის მონასტრის რესტავრაციის დაწყება მოხდეს, რომელსაც ოსი სეპარატისტები ბიზნტიურ ტაძრად აცხადებენ.
„როგორც ჩანს, ამ დრომდე ცხინვალის რეგიონში ქართული კულტურის ძეგლების გასანადგურებლად ჯერ ვერ მოიცალეს, რასაც აფხაზეთში უკვე აქტიურად აკეთებენ", - განაცხადა გაგოშიძემ.
