"რეგიონული პოლიტიკის და ეროვნული უმცირესობების" თემატური ჯგუფი ერთი თვეა რაც ჩამოყალიბდა.

როგორც პრეზენტაციისას აღინიშნა, ახალი თემატრუ ჯგუფი იმუშავებს საქართველოს მთიანი რეგიონების, მისი ეკონომიკურ-სოციალური, დემოგრაფიული და კულტურული მემკვიდრეობის შესწავლაზე; საზღვრისპირა რეგიონების პრობლემატიკის გააზრება, ტრანსსასაზღვრო შესაძლებლობების გათვალისწინებით; საქართველოს ხელისუფლების "რეგიონალური განვითარების სტრატეგიისა" და რიგი ევროპული ქვეყნების მსგავსი დოკუმენტების საფუძვლიანი შესწავლა; მიღებულ ინფორმაციასა და მასალაზე დაყრდნობით მუშავდება საქართველოს მთიანეთის, საზღვრისპირა ტერიტორიების და ცალკეული რეგიონების კონცეპტუალური ხედვები;

"მიმდინარეობს ინტენსიური სამუშაო პროცესი ეროვნული უმცირესობების პრობლემატიკის მიმართულებით, კერძოდ, სამოქალაქო ინტეგრაციის შეუქცევადობის და ქართული ენის შესწავლის კუთხით;
ამასთან, ჩამოყალიბდა პოზიცია რეგიონალური პოლიტიკის შესახებ:
რეგიონალური პოლიტიკის კონცეპტუალური ხედვის ჩამოყალიბებისთვის საჭიროა რეგიონის ცნების განმარტება და მისთვის კონკრეტული საგნობრივი სახის მიცემა, აგრეთვე დღევანდელ სახელმწიფო ხედვასა და მოძრაობა `ქართული ოცნების~ პოზიციებს შორის პრინციპული სხვაობის გამოკვეთა.
ქვეყნისათვის განსაკუთრებული გეოგრაფიული, სოციალურ-ეკონომიკური და კულტურული ფენომენის - საქართველოს მთიანეთის რეალური მდგომარეობის შეფასება და მისი, როგორც რეგიონის, პერსპექტიული განვითარების სტრუქტურის შექმნა", - განაცხადა ეროვნული უმცირესობების მიმართულების ხელმძღვანელმა მამუკა არეშიძემ.

მისი თქმით, სახელმწიფო პროტექციონისტული პოლიტიკის არსის განსაზღვრა და შესაბამისი საერთაშორისო გამოცდილების ანალიზი.