თბილისის მერმა გიგი უგულავამ დღეს დიდუბეში განხორციელებული გაზიფიცირების სამუშაოები დაათვალიერა და ადგილობრივ მოსახლეობას შეხვდა.
როგორც "ჯი-ეიჩ-ენს" მერიიდან აცნობეს, თბილისის მერიისა და კომპნია „ყაზტრანსგაზ თბილისის" ერთობლივი პროექტის ფარგლებში, ხოშარაულის ქუჩაზე გაზგამანაწილებელი ცენტრალური მაგისტრალი დამონტაჟდა, მოხდა დაქსელვა და 20 ოჯახის ინდივიდუალური გამრიცხველიანება. თბილისის მერია ეზოში მცხოვრობ 20 ოჯახს საჩუქრად გაზქურას გადასცემს.
მერიის ინფორმაციით, დიდუბე-ჩუღურეთის რაიონში კიდევ 300 ოჯახის გაზიფიცირება უახლოეს მომავალში დასრულდება და მათ წლების განმავლობაში არსებული გადაუჭრელი პრობლემა მოუგვარდებათ.
