საქართველოში თოვლიანი ამინდი 21 იანვრამდე გაგრძელდება. როგორც "ჯი-ეიჩ-ენს" მეტეოროლოგმა დოდო გვაზავამ განუცხადა 21 იანვარი უნალექოდ ჩაივლის, თუმცა 25 იანვრიდან საქართველოში ამინდი გაუარესდება.
"თბილისში თოვლი ხვალ, 20 იანვარს დღის მეორე ნახევარიდან შეწყდება. 21 -22 იანვარი უნალექოდ ჩაივლის. საქართველოს მთელ ტერიტორიაზე ღამის განმავლობაში იქნება ყინვები და 22 იანვრის ჩათვლით უნალექობა. თბილისში - 3 ან 5 გრადუსამდე დაიწევს, ბაკურიანში - 15-იდან 18-მდე დავარდება. კობი-გუდაურის ტერიტორიაზე ხვალ, დღისით, ამინდი გაუმჯობესდება. ამ ეტაპზე კი კობის მონაკვეთზე ქარბუქი და თოვლია, სადაც გაწმენდითი სამუშაო მიმდინარეობს", - განუცხადა "ჯი-ეიჩ-ენს" გვაზავამ.
