ადრიატიკის ზღვაში ტანკერზე მომხდარი აფეთქების დროს გადარჩენილი 4 ქართველი მეზღვაური ტირანადან ბათუმის მიმართულებით დღეს გამოემგზავრება. მათ გემის მფლობელმა თურქულმა კომპანიამ ყველა საბუთი მოუწესრიგა.
ქართული ტელეკომპანიების მიერ გავრცელებული ინფორმაციით თანახმად, ქართველებმა თურქეთში დამატებითი სამედიცინო შემოწმებაც გაიარეს. ოთხივე მეზღვაური ალბანელმა სამართალდამცავებმა უკვე დაკითხეს.
ამ დრომდე მაშველები გემის აფეთქების შედეგად დაღუპული 52 წლის ბოცმანის მალხაზ ლაზიშვილისა და აზერბაიჯანელი კაპიტნის ცხედრებს ეძებენ. უკვე ცნობილია, რომ სამაშველო სამძებრო სამუშაოების დასრულების შემდეგ, ქართველი მეზღვაურების სამშობლოში გადმოსვენების ხარჯებს თურქული კომპანია დაფარავს.
