19 იანვარს, ნათლისღების დღესასწაულზე, მორიგი საყოველთაო ნათლობა გაიმართება. ეს რიგით 21-ე ნათლობა იქნება. საყოველთაო ნათლობა სამების საკათედრო ტაძარში ჩატარდება.
"უდიდესი სიხარულია იმ ოჯახებისთვის, ვინც ეს ბენდიერება მიიღო. პატრიარქის ნათლულობას აქვს უდიდესი მნიშვნელობა, იმიტომ რომ ნათლია სულიერი მშობელი გახლავთ და როდესაც ეს სულიერი მშობელი თავად უწმინდესი ხდება, ეს რა თქმა უნდა, უდიდესი პასუხისმგებლობაა", - განაცხადა წმინდა სამების საკათედრო ტაძრის მღვდელ-მსახურმა, იღუმენმა ათანასემ (სვანიძე).
სრულიად საქართველოს კათალიკოს-პატრიარქი, ამჯერად 560 ჩვილს მონათლავს.
ნათლისღების დღესასწაულზე წირვის დასრულების შემდეგ წყლის კურთხევა გაიმართება.
