რეფერალური ჰოსპიტლის ყოფილი ექიმები მთავრ პროკურატურას მისი მფლობელის, შპს "ზივანის" საქმიანობის გამოძიებას სთხოვენ.
როგორც დღეს "ქრისტიან-დემოკრატებთან" ერთად გამართულ პრესკონფერენციაზე კლინიკის ექიმებმა განაცხადეს, მათი სამსახურიდან განთავისუფლების რეალური მიზეზი 7 თვის სახელფასო დავალიანების მოთხოვნა გახდა.
მათი თქმით, მას შემდეგ, რაც ჰოსპიტალი ახალი მფლბელის ხელში გადავიდა, ერთი წლის განმავლობაში თავისი სურვილით სამსახური 45-მა ექიმმა დატოვა, რადგან მათ ხელფასს არ უხდიდნენ და ბოლო სამი თვის განმავლობაში 21 ექიმი გაათავისუფლეს "ხელფასის აქტიური მოთხოვნის" მიზიზით.
მათი ინფორმაციით, შპს "ზივანი", რომლის 51%-ის მფლობელი პოლონეთის მოქალაქეა, ხოლო 49%-ის საქართველოს მოქალაქეები ნოდარ კევლიშვილი და ლევან წირივაძე ფლობენ, საგზაო ინფრასტრუქტურის მოწყობითაა დაკავებული და მას ჰოსპიტალურ სფეროში არანირი გამოცდილება არ აქვს.
