საქართველოს პრეზიდენტი მიხეილ სააკაშვილი მარტვილის სამედიცინო ცენტრს ეწვია, რომელიც ჰოსპიტალური სექტორის განვითარების პროგრამის ფარგლებში აშენდა. ქვეყნის პირველმა პირმა პაციენტები მოინახულა და მედპერსონალს გაესაუბრა. იგი ადგილობრივ მოსახლეობასაც შეხვდა და მათ სიტყვით მიმართა.
მარტვილის საავადმყოფო სადაზღვევო კომპანია ალდაგი ბისიაისა და კომპანია "ბლოკ ჯორჯიას" მიერაა აშენებული, რისთვისაც 2 მილიონი ლარის ინვესტიცია განხორციელდა.
კლინიკა უახლესი აპარატურითაა აღჭურვილი და საერთაშორისო სტანდარტებს შეესაბამება. აღნიშნულ სამედიცინო ცენტრში 70-მდე მაღალკვალიფიციური თანამშრომელი მუშაობს და ერთდროულად 15 ადამიანის მომსახურებაა შესაძლებელი. ახალ საავადმყოფოში ადგილობრივები მაღალხარისხიანი ჰოსპიტალურ, ამბულატორიულ და პრეჰოსპიტალურ მომსახურებას მიიღებენ.
