თურქეთში ნატოს რადარის განთავსება რეგიონის სხვა ქვეყნების წინააღმდეგ არ არის მიმართული. ამის შესახებ ჟურნალისტებს თურქეთის დიდი ეროვნული კრების საგარეო ურთიერთობათა კომიტეტის თავმჯდომარემ ვოლქან ბოზქარმა განუცხადა.
„რადარის თურქეთში განთავსება ნატოს პროექტია და მას თავდასხმითი ფუნქცია არ აქვს, ის თავდაცვით ფუნქციის მატარებელია. აქედან გამომდინარე კი ის არ შეიძლება რეგიონის სხვა ქვეყნების წინააღმდეგ იყოს მიმართული", - აღნიშნა თურქმა დეპუტატმა.
როგორც ცნობილია, თურქეთში რადიოლოკაციური სადგური, რომელიც ევროპაში ნატოს რაკეტსაწინააღმდეგო სისტემებში შედის და სარაკეტო თავდასხმების შესახებ წინასწარ ინფორმაციას იძლევა ექსპლუატაციაში დღეს შევიდა.
შეგახსენებთ, რომ გასული წლის სექტემბერში თურქეთმა თანხმობა განაცხადა თავის პროვინცია მალანტიაში, ირანის საზღვრიდან დაახლოებით 700 კმ-ით დაშორებით რადიოლოკაციური სადგურის განთავსებაზე. სისტემის განთავსების აუცილებლობას ნატოს წარმომადგენლები ახლო აღმოსავლეთში დიდი და მცირე მანძილის რაკეტების გამოყენების შესაძლებლობის ალბათობით ხსნიან, უპირველეს ყოვლისა ირანის მხრიდან.
ირანმა თავის მხრივ თურქეთის ამ თანხმობაზე უკმაყოფილება გამოთქვა და მისი ეს გადაწყვეტილება გააკრიტიკა.
