თურქეთთან სავიზო რეჟიმი ამ ეტაპზე ძველი რეგულაციით ხორცილდება. ამის შესახებ „ჯი-ეიჩ-ენს" საგარეო საქმეთა სამინისტროში განუცხადეს, თუმცა თურქეთის პარლამენტის მიერ მიღებული კანონის ძალაში შესვლის შემდეგ აღნიშნული საკითხი ორ ქვაყანას შორის როგორ დარეგულირდება ჯერ-ჯერობით უცნობია.
აღსანიშნავია, რომ ძველი რეგულაციით, საქართველოს მოქლაქეებს თურქეთის ტერიტორიაზე დარჩენა სამი თვით შეეძლოთ, თუმცა ვადის გასვლის შემდეგ პირს უკან დაბრუნება კვლავ სამი თვით საქართველო-თურქეთის საზღვრის გადმოკვეთიდან მეორე დღესვე შეეძლო.
თურქეთის პარლამენტის მიერ მიღებული გადაწყვეტილების შემდეგ კი, უცხო ქვეყნის მოქლაქეებს თურქეთის ტერიტორიაზე სამი თვის ყოფნის უფლება აქვთ, ხოლო ვადის ამოწურვის შემდეგ მათ ქვეყნის ტერიტორიაზე შესვალ სამთვიანი პერიოდის გასვლის შემდეგ შეეძლებათ. კანონი ძალაში მიმდინარე წლის 1-ლი თებერვლიდან შედის.
აღსანიშნავია, რომ თურქეთის დიდი ეროვნული კრების საგარეო ურთიერთობათა კომიტეტის თავმჯდომარის ვოლქან ბოზქარის თქმით, თურქეთი სავიზო რეჟიმის გამკაცების საკითხს ქართველ უწყებებთან ცალკე განიხილავს.
„საქართველოსთან მიმართებაში დეტალებს ქართულ უწყებებთან ერთად განვიხილავთ", - აღნიშნა ბოზქარმა.
