რუსეთის მხრიდან სამხედრო აგრესიის მყისიერი საფრთხე არ არსებობს. ამის შესახებ ჟურნალისტებს საგარეო ურთიერთობათა კომიტეტის თავმჯდომარემ აკაკი მინაშვილმა რუსეთის დფედერაციის მეირ დაგეგმილი სამხედრო წვრთნების „კავკასია 2012"-ს შეფასებისას განუცხადა.
მისი შეფასებით, რუსეთის მიერ ასეთი ტიპის წვრთნების ჩატარება და მისი აგრესიული მოქმედებები თავად მისთვის არის კონტრპროდუქტიულია.
„სამწუხაროდ, რუსეთის ხელისუფლება საკუთარ შეცდომებზე ვერ სწავლობს და ეს მათი აგრესიული ქმედებებიდანაც ჩანს. როგორც იცით, რომ რუსეთს შიგნით ძალიან ბევრი პრობლემა აქვს, მათ შორის ეკონომიკური და პოლიტიკური, რომლის გაპროტესტება ღიად მოსახლეობამ უკვე დაიწყო და თუ არ შეცვლიან პოლიტიკას პრობლემას ისევ საკუთარ თავს შეუქმნიან", - აღნიშნა მინაშვილმა.
მისივე თქმით, მიუხედავად იმისა, რომ რუსეთის მხრიდან სამხედრო აგრესიის მყისიერი საფრთხე არ არსებობს, ამ წვრთნებს განსაკუთრებული ყურადღება მაინც უნდა მიექცეს.
„ყველა ჩვენი მეგობარი აკვირდება რუსეთის მოქდებას და კიდევ ერთხელ ვამბობ, რომ ნებიემიერი ასეთი აგრესიული გამოხტომა საზიანოა რუსეთის ფედერაციისთვის და მის ეკონომიკურ მდგომარეობას სავალალო მდგომარებაში ჩააგდებს", - დასძიანა დეპუტატმა.
