საქართველოს და თურქეთის მიზანია რეგიონში უსაფრთხოების უზრუნველყოფა. ამის შესახებ ჟურნალისტებს საგარეო ურთიერთობათა კომიტეტის თავმჯდომარემ აკაკი მინაშვილმა თურქეთის დიდი ეროვნული კრების დელეგაციასთან შეხვედრის დასრულების შემდეგ განუცხადა.
„საქართველოსა და თურქეთს ერთიანი ღირებულებები გააჩნიათ, როგორც პოლიტიკურ, ისე ეკონომიკურ და საერთაშორისო საკითხებში. ორივე ქვეყნის მიზანია რეგიონში უსაფრთხოების უზრუნველყოფა", - აღნიშნა მინაშვილმა.
დღესვე თურქეთის დიდი ეროვნული კრების დელეგაცია პარლამენტის თავმჯდომარის მოადგილეს გიორგი წერეთლს შეხვდა, რომლის შეფასებითაც თურქეთი არის საქართველოს სტრატეგიული პარტნიორი და მასთან ორმხრივ თანამშრომლობას განსაკუთრებული მნიშნვნელობა აქვს.
„მივესალმებით იმ აქტივობას, რომელიც დღეს ორმხრივი თანამშრომლობის ფარგლებში ვითარდება. ჩვენ თურქ კოლეგებთან ვთანამშრომლობთ, როგორც პოლიტიკურ საკითხებში, ასევე მათგან გვაქვს ურყევი მხარდაჭერა საქართველოს ოკუპაციის თემასთან დაკავშირებით, ასევე ნატოსა და ევროკავშირში ინტეგრტაცის გზაზე", - აღნიშნა წერეთელმა.
