მსოფლიოში აღიარებული იტალიელი დიზაინერი ჯორჯეტო ჯუჯარო თბილისში იმყოფება. სწორედ ჯუჯაროს შექმნილია ისეთი სუპერმანქანების დიზაინი როგორებიცაა "ფერარი" და "ლამბორჯინი". მანქანების გარდა ჯორჯეტო ჯუჯარო სხვა სფეროებშიც მუშაობს. მას ეკუთვნის ნიკონის ფოტოაპარატებისა და "ეფლის" პროტოტიპი კომპიუტერების დიზაინიც. იტალიელი ხელოვანი საქართველოში დიზაინის საერთაშორისო სკოლის დაარსებაში მიიღებს მონაწილეობას, რომელიც თბილისის ტექნიკური უნივერსიტეტის ბაზაზე შეიქმნება. ჯორჯეტო ჯუჯარო საქართველოში თავის ჯგუფთან ერთად ჩამოვიდა. "ვიზიტის მიზანია დიზაინის სკოლის ჩამოყალიბებაში ჩვენი წვლილი შევიტანოთ. ამ ეტაპზე ვეცნობით საქართველოში ამ კუთხით არსებულ პერსპექტივებს. ჩვენს ჯგუფს საკმაოდ დიდი გამოცდილება აქვს დიზაინისა და არქიტექტურის მიმართულებით. აქედან გამომდინარე ტექნიკურ უნივერსიტეტთან თანამშრომლობა მრავალი კუთხით არის შესაძლებელი. ჩვენი განწყობა საკმაოდ ოპტიმისტურია. ვეყრდნობით შემოთავაზებულ წინადადებებს და ვიმედოვნებთ, რომ ის უფრო განვითარდედა. სიამოვნებით შევიტანთ ჩვენს წვლილს საქართველოში დიზაინისა და არქიტექტურის სკოლის ჩამოყალიბებაში. დღეს ჯგუფი ქართველ სტუდენტებს შეხვდება, თანამშრომლობის საკითხებს კი მთავრობის წევრებთანაც განვიხილავთ", - აცხადებს დიზაინერი ჯორჯეტო ჯუჯარო.