52 წლის ბოცმანის მალხაზ ლაზიშვილის ძებნა ღია ზღვაში ამ დრომდე უშედეგოდ მიმდინარეობს. ტანკერ "ედირნეს" ეკიპაჟის ქართველი წევრი მას შემდეგ გაუჩინარდა, რაც გემზე ძლიერი აფეთქება მოხდა. კიდევ ერთი ქართველი მეზღვაური ბექა ურუშაძე ტრაგედიის დროს დაიღუპა. ტანკერზე სულ ექვსი ქართველი მეზღვაური იმყოფებოდა. ოთხი მათგანის გადარჩენა მაშველებმა მოასწრეს. მათი ჯანმრთელობის მდგომარეობა დამაკმაყოფილებელია. დაღუპულია გემის აზერბაიჯანელი კაპიტანი. "აფეთქების შედეგად დაშავებული ტანკერის ეკიპაჟის წევრების ჯანმართელობის მდგომარეობა დამაკმაყოფილებელია. ჩვენ ვესაუბრეთ მათ საავადმყოფოში. გარდაცვლილია ბექა ურუშაძე, იგი უკვე გადასვენებულია და იდენტიფიცირებაც გაკეთებულია. მეორე ცხედარი ეკუთვნის აზერბაიჯანის მოქალაქეს, ხოლო რაც შეეხება მალხაზ ლაზიშვილს იგი ამ დრომდე დაკარგულად ითვლება", _ განუცხადა ”რუსთავი 2-ს” საქართველოს ვიცე-კონსულმა თურქეთში გელა ჯაფარიძემ.