კონტროლის პალატის ფინანსური საქმიანობის მონიტორინგის სამსახურის ხელმძღვანელის ნათია მოგელაძის თქმით, მისი სამსახური მოძრაობის "ჩვენი ხმა გიგი უგულავას" ფინანსურ საქმიანობას შეამოწმებს. როგორც მოგელაძემ დღეს გამართულ ბრიფინგზე განაცხადა, კონტროლის პალატა გამოთქვამს მზადყოფნას, გადაამოწმოს ყველა იმ ორგანიზაციის ფინანსური საქმიანობა, რომელთა შესაძლო პოლიტიკურ საქმიანობასთან დაკავშირებით საზოგადოებას გარკვეული კითხვის ნიშნები აქვს.
"ჩვენ ვეხმიანებით სოციალური ქსელების მეშვეობით გავრცელებულ ინფორმაციას და მიზანშეწონილად მიგვაჩნია, შევამოწმოთ მოძრაობის - "ჩვენი ხმა გიგი უგულავას" ფინანსური საქმიანობა და საჯარო გავხადოთ ყველა დაინტერესებული პირისთვის", - აღნიშნა მოგელაძემ.
"მოქალაქეთა პოლიტიკური გაერთიენებების შესახებ" კანონში შეტანილი ცვლიბების შემდეგ კონტროლის პალატის ფინანსური მონიტორინგის სამსახური პოლიტიკური პარტიების, ასევე მათთან პირდაპირ ან არაპირდაპირ დაკავშირებული იურიდიული პირების ფინანსურ საქმიანობას შეამოწმებს. ისინი ვალდებულები არიან 1-ელ თებერვლამდე წლიური ფინანსური ანგარიში კონტროლის პალატას ჩააბარონ.