არჩევნებზე მონიტორინგის განხოცილების უფლება ერთი წლის დაფუძნებულ ადგილობრივ სადმკვირვებლო ორგანიზაციებსაც მიეცემათ.
საარჩევნო კანონმდებლობაში შეტანილი ცვლილებების თანახმად, ადგილობრივი დამკვირვებელი ორგანიზაცია შეიძლება იყოს კენჭისყრის დღემდე არა უგვიანეს 1 წლისა საქართველოს კანონმდებლობის შესაბამისად რეგისტრირებული ადგილობრივი არასამეწარმეო იურიდიული პირი, რომლის წესდება ან დებულება რეგისტრაციაში გატარების მომენტისათვის ითვალისწინებს არჩევნების მონიტორინგს ან/და ადამიანის უფლებათა დაცვას და არჩევნებზე დაკვირვების მიზნით რეგისტრირებულია ცესკოში ან შესაბამის საოლქო საარჩევნო კომისიაში.
ამასთან, ადგილობრივი დამკვირვებელი ერთ ორგანიზაციას უფლება აქვს საარჩევნო უბანში არა უმეტეს ერთი დამკვირვებლი ჰყავდეს.
ძველი "საარჩევნო კოდექსის" თანახმად, კი არჩევენებზე დაკვირვების უფლება ჰქონდა კენჭისყრის დღემდე არა უგვიანეს 2 წლისა საქართველოს კანონმდებლობის შესაბამისად რეგისტრირებულ ადგილობრივ კავშირს (ასოციაცია), ფონდს, რომლის წესდება ან დებულება რეგისტრაციაში გატარების მომენტისათვის ითვალისწინებს არჩევნებზე მონიტორინგს ან/და ადამიანის უფლებების დაცვას და რომელიც არჩევნებზე დაკვირვების მიზნით რეგისტრირებულია საქართველოს ცენტრალურ ან შესაბამის საოლქო საარჩევნო კომისიაში.