აღნიშნულის შესახებ ნათქვამია „ხაშურის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ" ბრძანებაში.

საკრებულოს მიერ მიღებული გადაწყვეტილების თანახმად, ონკოლოგიური ავადმყოფების სოციალური დახმარება გარდა ბავშვებისა იმ ავადმყოფებზეც გჰავრცელდება, რომელთა ოჯახების რეიტინგი სოციალურად დაუცველი ოჯახების მონაცემთა ერთიან ბაზაში 70 001 - 150 000 ქულის ფარგლებშია.
ასევე, მშობიარობა დაუფინანსედებათ იმ ოჯახის წევრებს, რომელთა ოჯახების სარეიტინგო ქულა 70 000 - 100 000 ქულის ფარგლებშია.

კერძოდ კი, მშობიარეს ოპერაციულ მკურნალობაზე მიეცემა თანადაფინანსება ღირებულების 70%-ის ოდენობით, მაგრამ არა უმეტეს 500 ლარისა, ხოლო ფიზიოლოგიური მშობიარობისას - ღირებულების 70%-ის ოდენობით, მაგრამ არა უმეტეს 300 ლარისა.

გარდა ამისა, ხაშურის მუნიციპალიტეტის ადგილობრივ ბიუჯეტში ასევე გათვალისწინებულია ცერებრალური დამბლითა და სქოლიოზით დაავადებული პირების სოციალური დახმარება.

აღნიშნული დახმარება იმ ოჯახსბს შეეხებათ, რომლთა რეიტინგი სოციალურად დაუცველი ოჯახების მონაცემთა ერთიან ბაზაში 0-100 000 ქულის ფარგლებშია და ბენეფიციარებს დახმარება ერთჯერადად 100 ლარის ფარგლებში გაეწევათ.