ლაგოდეხის რაიონში ხანძრის შედეგად 3 ჰექტარი თხილის პლანტაცია და 4 ნაძვის ხე დაიწვა. როგორც კახეთის საინფორმაციო ცენტრს ლაგოდეხის ხანძარსაწინააღმდეგო სამსახურის უფროსმა მერაბ შათირიშვილმა განუცხადა, ხანძარი ორივე შემთხვევაში მოქალაქეების დაუდევრობით გაჩნდა.
„თხილის პლანტაცია 30 ჰექტარზეა გაშენებული და კერძო პირს პაატა ზაქარეიშვილს ეკუთვნოდა. ადგილზე დროულად მივედით და პლანტაცია მთლიანად დაწვას გადავარჩინეთ. სოფელ მაწიმთან კი ცეცხლი ნაძვის ხეებს გამხმარი ფოთლებიდან წაეკიდა. 4 ნაძვის ხე დაიწვა, დანარჩენი ხეები კი გადარჩა", - აღნიშნა მერაბ შათირიშვილმა.
ხანძარსაწინააღმდეგო სამსახურის უფროსი მოსახლეობას მეტი ყურადღებისკენ მოუწოდებს.
