ტრანსკავკასიური მაგისტრალი, რომელიც ე.წ. სამხრეთ ოსეთს რუსეთთან აკავშირებს ზვავსაშიშროების გამო ჩაკეტილია.
განცხადება ამის შესახებ ე.წ. სამხრეთ ოსეთის საგანგებო სიტუაციათა ე.წ. მინისტრმა ანატოლი ბიბილოვმა გააკეთა.
მისივე თქმით, მაგისტრალი ჩრდილოეთ ოსეთის ხელისუფლების განკარგულებით, გაურკვეველი ვადით დაიხურა.
"ტრანსკავკასიურ მაგისტრალზე დიდი თოვლია. არსებობს ზვავსაშიშროების საფრთხე. ამჟამად შესაბამისი სამსახურები სიტუაციას ადგილზე სწავლობენ და შესაძლოა საჭირო იქნეს ღონისძიებების ჩატარება, რომლებიც ზვავების ხელოვნურად ჩამოშლას ითვალისწინებს", _ აცხადებს ბიბილოვი.
