საქართველოში ვიზიტად მყოფი გაეროს ლტოლვილთა უმაღლესი კომისარიატის ევროპის ბიუროს ხელმძღვანელი დენიელ ენდერსი ოკუპირებულ აფხაზეთში არსებულ ვითარებას შეისწავლის.
დენიელ ენდერსი ოკუპირებული ტერიტორიიდნ დევნილთა მდგომარეობას გაეცნობა და შიდა ქართლში დევნილთა დასახლებებსაც დაათვალიერებს.
"დანიელ ენდერსი გადავა სოხუმში. ორი ღამე დარჩება გალსა და სოხუმში, სადაც შეისწავლის ჩვენი მოქალაქეების მდგომარეობას. ეს მისი ვიზიტის ერთ-ერთი ოფიციალური ნაწილია. რა თქმა უნდა, ჩვენი დევნილი საზოგადოების მდგომარეობასაც შეაფასებს და თავისი თვალით ნახავს ჩვენ რა ავაშენეთ, სად შევასახლეთ დევნილები", - განაცხადა ოკუპირებული ტერიტორიებიდან იძულებით გადაადგილებულ პირთა, განახლებისა და ლტოლვილთა მინისტრმა, კობა სუბელიანმა.
ვიზიტის ფარგლებში ასევე, დაგეგმილი შეხვედრები საქართველოს ხელისუფლების წარომადგენლებთან.
გაეროს ლტოლვილთა უმაღლესი კომისარიატის ევროპის ბიუროს დირექტორი ბათუმსაც ეწვევა, სადაც იგი იუსტიციის სახლს და თურქეთ-საქართველოს საზღვარზე საბაჟო პუნქტს მოინახულებს.
