სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესის და უნეტარესის ილია მეორის ავადმყოფობის შესახებ გავრცელებული ინფორმაცია სიმართლეს არ შეესაბამება.
როგორც "ჯი-ეიჩ-ენს" საქართველოს საპატრიარქოს პრეს სამსახურში განუცხადეს, პატრიარქის ავადმყოფობის შესახებ ცრუ ინფორმაცია ხშირად ვრცელდება.
"მისი უწმინდესობის საავადმყოფოში გადაყვანის შესახებ გავრცელებული ინფორმაცია სიმართლეს არ შეესაბამება და საბედნიეროდ ამჯერადაც ტყუილია", - განუცხადეს "ჯი-ეიჩ-ენს" საპატრიარქოში.
შეგახსენებთ, საქართველოს კათოლიკოს-პატრიარქის ილია მეორის ჯანმრთელობის გაუარესებისა და მის საავადმყოფოში გადაყვანის შესახებ ინფორმაცია დღეს, სოციალური ქსელების საშუალებით გავრცელდა.
