საქართველოს პრეზიდენტი მიხეილ სააკაშვილი თურქეთში სომალელი მეკობრეების ტყვეობიდან გათავისუფლებულ მეზღვაურებს შეხვდა, რომლებიც კენიიდან ქართული დელეგაციის ხელმძღვანელობით ჩამოვიდნენ. როგორც "ფეისბუკის" პრეზიდენტის ოფიციალური გვერდი იუწყება, მიხეილ სააკაშვილთან ერთად მეზღვაურების დასახვედრად თურქეთის პრემიერ მინისტრიც იმყოფებოდა.
მოგვიანებით საქართველოს პირველ პირსა და რეჯიფ თაიფ ერდოღანს შორის პირისპირ შეხვედრა გაიმართება, რის შემდეგაც ლიდერები ერთობლივ პრესკონფერენციას გამართავენ.
დღესვე, მიხეილ სააკაშვილი სამშობლოში გათავისუფლებულ მეზღვაურებთან ერთად დაბრუნდება.
