დიდუბის საგამოფენო ცენტრ ExpoGeorgia-ს მე-11 პავილიონში, კომპანია BOSCH-ის სხვადასხვა სახეობის, სამშენებლო სფეროში საჭირო თანამედროვე ელექტრო ინსტრუმენტებისა და აქსესუარების გამოფენა მიმდინარეობს.
გამოფენას საქართველში, სომხეთსა და აზერბაიჯანში მოღვაწე BOSCH-ის ოფიციალური დილერები ესწრებიან. დილერებს კვალიფიციურ ტრეინინგს საერთაშორისო დონის ინსტრუქტორები ჩაუტარებენ და პრაქტიკული მაგალითების ჩვენებით ადგილზე აუხსნიან თუ როგორ უნდა მოხდეს კონკრეტული ინსტრუმენტებით მუშაობა.
ელექტრო ინსტრუმენტები წარმოდგენილია შვიდ სპეციალურ ზონაში.
BOSCH-ი წლების განმავლობაში მსოფლიოს მრავალ ქვეყანაში წარმატებულად საქმიანობს და სხვადასხვა სოციალურ და ეკოლოგიურ პროექტებს ახორციელებს.
კომპანიამ თბილისში კავკასიის რეგიონალური ოფისი გახსნა, რაც ხელს შეუწყობს BOSCH-ის პროდუქციის გავრცელებასა და კომპანიის ეკონომიკურ აქტივობას კავკასიის რეგიონში.
BOSCH-ის ელექტრო ინსტრუმენტების გამოფენა და სპეციალური ტრეინინგი დღეს თბილისის მერმა გიგი უგულავამ დაათვალიერა და მის მონაწილეებს გაესაუბრა.
