მოსწავლის მიერ ერთი სემესტრის მანძილზე კონკრეტული საგნისთვის გათვალისწინებული საათების 1/2 და მეტის გაცდენის შემთხვევაში საგანში სემესტრულ ქულას ვერ მიიღებს.
აღნიშნულთან დაკავშირებით საქართველოს განათლებისა და მეცნიერების მინისტრის დიმიტრი შაშკინის ბრძანება უკვე ძალაშია.
„ეროვნული სასწავლო გეგმის დამტკიცების შესახებ" ბრძანებაში შეტანილი ცვლილების თანახმად, თუ საშუალო საფეხურის მოსწავლემ გააცდინა ერთი სემესტრის მანძილზე კონკრეტული საგნისთვის გათვალისწინებული საათების 1/2 და მეტი, იგი ამ საგანში არ იღებს საგნის სემესტრულ ქულას. ამ შემთხვევაში მოსწავლე ფასდება მხოლოდ ექსტერნატის ფორმით გამოცდის ჩაბარების საფუძველზე.
ამასთან, საბაზო საფეხურის მოსწავლის მიერ ერთი სემესტრის მანძილზე კონკრეტული საგნისთვის გათვალისწინებული საათების 1/2 და მეტის გაცდენის შემთხვევაში, მოსწავლეთა შეფასების წესი განისაზღვრება სასკოლო სასწავლო გეგმით.
