ახალქალაქის მუნიციპალიტეტში სტიქიური უბედურების შედეგად დაზიანებული ობიექტის მშენებლობა მოსაკრებლის გადახდისაგან თავისუფლდება.
აღნიშნულთან დაკავშირებით ახალქალაქის მუნიციპალიტეტის საკრებულომ დადგენილება მიიღო, რომელიც უკვე ძალაშია.
ამასთან, საკრებულომ ახალქალაქის მუნიციპალიტეტის ტერიტორიაზე ადგილობრივი მოსაკრებლების სახეობებიც დაამტკიცა, კერძოდ კი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვის; დასახლებული ტერიტორიის დასუფთავების და სათამაშო ბიზნესის.
მიღებული გადაწყვეტილების თანახმად, ახალ ასაშენებელი ობიექტის პროექტით გათვალისწინებული განაშენიანების ფართობის თითოეული კვადრატული მეტრისათვისთვის მოსაკრებილის ოდენობა საცხოვრებელი სახლის მშენებლობისთვის - 0,50 ლარა, არა საცხოვრებელი (მაღაზია, ოფისი და სხვა) - 1,0 ლარი, ხოლო დასახლებული ტერიტორიის დასუფთავებისათვის ერთ სულ მოსახლეს თვეში 0,4 ლარის გადახდა მოუწევს, ხოლო იურიდიული პირების, ორგანიზაციებისა და დაწესებულებებისათვის ერთ კუბურ მეტრ ნარჩენებზე - 25 ლარია.
რაც შეეხება სათამაშო ბიზნესს, მოსაკრებლის განაკვეთები შემდეგნაირად ჩამოყალიბდა - სამორინეს თითოეულ სათამაშო მაგიდაზე - კვარტალში 15 000 ლარის ოდენობით; თითოეულ სათამაშო აპარატზე - კვარტალში 600 ლარის ოდენობით; თითოეულ წამახალისებელ გათამაშებაზე - საპრიზო ფონდის 10 პროცენტის ოდენობით; სისტემურ-ელექტრონული ფორმით მოწყობილ თამაშობაზე - კვარტალში 40 000 ლარი; აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე - კვარტალში 3 000 ლარი; ლატარიების მოწყობაზე - ლატარიის ბილეთების რეალიზაციიდან მიღებული ამონაგების 15% ოდენობით.