სამინისტროს ინფორმაციით, შესაბამისი ცვლილებები რამდენიმე ბრძანებაში შევიდა. კერძოდ, "ნადირობისა და თევზჭერის დაწყებისა და დამთავრების თარიღების დამტკიცების თაობაზე" მინისტრის 2011 წლის 10 მაისის №30 და "ცხოველთა სამყაროს ობიექტების, მათი სახეობების მიხედვით მოპოვების წესების, ვადებისა და მოპოვებისთვის დაშვებული იარაღისა და მოწყობილობების ჩამონათვალის შესახებ დებულების დამტკიცების თაობაზე" მინისტრის 2011 წლის 6 აპრილის №07 ბრძანებებში.

გარდა ამისა, დამტკიცდა 2012 წელს ნადირობის სეზონზე ცხოველთა სამყაროს ზოგიერთი ობიექტის მოპოვების კვოტები: ნუტრია - 194 ცალი, კურდღელი - 615 ცალი, მაჩვი, - 168 ცალი, ტყის კვერნა - 157 ცალი, ქვის კვერნა - 157 ცალი, მგელი - 120 ცალი, ტურა - 1453 ცალი, მელა - 162 ცალი, ტყის კატა - 77 ცალი, გარეული ღორი - 189 ცალი, შველი - 417 ცალი, ენოტი - 96 ცალი, ხოხობი - 416 ცალი, კაკაბი - 713 ცალი, დურაჯი - 50 ცალი.