სააღმზრდელო საქმიანობაში ლიცენზიის მფლობელი უფლებამოსილი ხდება, საქმიანობა ფილიალის მეშვეობით განახორციელოს. აღნიშნულთან დაკავშირებით, პარლამენტმა "სააღმზრდელო დაწესებულებების ლიცენზირების შესახებ" კანონში ცვლილებები დაaმტკიცა.
მიღებული გადაწყვეტილების თანახმად, ლიცენზიის მფლობელი უფლებამოსილია საქმიანობა განახორციელოს ფილიალის მეშვეობით, რომლისთვისაც მას ცალკე ლიცენზია არ დასჭირდება. თუმცა ლიცენზიის მფლობელი ვალდებულია, ფილიალის მიერ ლიცენზირებული საქმიანოიბის განხორციელებისთვის წინასწარ აცნობის ლიცენზიის გამცემს, ფილიალის მიერ სალიცენზიო პირობების დაკმაყოფილების შესახებ, შესაბამისად, ლიცენზიის გამცემი ვალდებულია, სალიცენზიო საქმიანობის დაწყებამდე შეამოწმოს ფილაილის მიერ სალიცენზიო პირობების დაკმაყოფილების საკითხი.
იმ შემთხვევაში, თუ შემოწმების შედეგად აღმოჩნდება, რომ ფილიალი ვერ აკმაყოფილებს კანონით დადგენილ სალიცენზიო პირობებს, ლიცენზიის გამცემი უფლებამოსილი იქნება, ლიცენზიის მფლობელს სალიცენზიო პირობების დაკმაყოფილებისთვის გონივრული ვადა განუსაზღვროს, ხოლო სალიცენზიო პირბების დაკმაყოფილებამდე, ფილიალს საქმიანობის განხორციელების უფლება არ ექნება.
ფილალის მიერ სალიცენზიო პირობების დარღვევისას, საჯარიმო სანქციები და მათ შორის ლიცენზიის გაუქმება გამოყენებული იქნება ამ ფილიალის საქმიანობის ნაწილში და არ გახდება ზოგადად იურიდიული პირის და ან სხვა ფილიალის საქმიანობის აკრძალვის საფუძველი.
კანონში შესული ცვლილებების თანახმად, სააღმზრდელო საქმიანობაში იგულისხმება საქმიანობა, რომელიც დაკავშირებულია მზრუნველობამოკლებულ ბავშვთა შემცენებითი, ემოციური, ფიზიკური და ინტელექტუალური განვითარების სისტემურ ზრუნვასა და სადღეღამისო მომსახურების განხორციელებასთან.
