"ქართული ოცნების" ჯანდაცვისა და სოციალური უსაფრთხოების თემატური ჯგუფი ჯანდაცვის სფეროს რეორგანიზების სქემას იანვრის ბოლოსთვის წარადგენს. ამის შესახებ დღეს გამართულ პრესკონფერენციაზე ჯგუფის ხელმძღვანელმა ოთარ ხუფენიამ განაცხადა.
მისი შეფასებით, ქვეყანაში შექმნილი ჯანდაცვის სისტემა იმდენად ამოვარდნილია კონტექსტიდან და საერთაშორისო გამოცდილებიდან, რომ რეფორმირებასა და სრულყოფას არ ექვემდებარება, რის გამოც გარდაუვალია სისტემის რეორგანიზაცია ანუ მიმართულების შეცვლა.
"ჯანმრთელობის დაცვის სფეროში კეროძო სექტორისთვის გაუმართლებლად დელეგირებული ფუნქციების შედეგად მივიღეთ სისტემა, სადაც არც სამედიცინიო პერსონალია დაცული და არც ავადმყოფი. სადაზღვეო პოლისების ბითუმად შესყიდვის შედეგად, შრომის, ჯანმრთელობისა და სოციალური დაცვის სამინისტრო სადაზღვევო ბროკერს დაემსგავსა, რის შედეგაც ყალიბდება ხელოვნური მონოპოლია", - აღნიშნა ხუფენიამ.
მისი შეფასებით, სოციალური გასაცემები, როგორიცაა პენსია, დროებითი შრომისუუნარობა, უმუშევრობაზე შემწეობა და სხვა გადაიქცა ხელისუფლების წყალობის ტიპურ ფორმად და არა ადამიანის მიერ გამომუშავებული სოცილაური გარანტიებისა.
"ეს ყველაფერი საშიშროებს ქმნის, რომ ხელისუფლებამ კიდევ უფრო განამტკიცოს გაღატაკებული და კოლექტიურად გამათხოვრებული საზოგადოებისგან სარჩევნო ხმების მოსყიდვა", - აღნიშნა მან და დასძინა, რომ მთავრობის მიერ პენსიების "მომატება" ყოველთვის ცენტრალურ ან ადგილობრივ არჩევნებს ემთხვევა.
ხუფენიამ აღნიშნა, რომ სამუშაო ჯგუფი ჯანდაცვისა და სოცილურ საკითხებზე მომზადებულ წინადადებებს 20 იანვრამდე საექპერტო ჯგუფებს წარუდგენს, რის შემდეგაც რეორგანიზების სქემას საზოგადოებას გააცნობს.
ქართულ ოცნებაში აღნიშნავენ, რომ ჯგუფის მუშაობაში მონაწილეობის მიღება ყველა დაინტერესებულ პირს შეუძლია.
