დღეს, 10 იანვარს, წნორში (თავისუფლების ქ. 27) "ლიბერთი ბანკის" ახალი სერვისცენტრი იხსნება, რომელიც სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს. "ლიბერთი ბანკის" წნორის სერვისცენტრში შესაძლებელი იქნება თითქმის ყველა სახის სესხის აღება, საერთაშორისო გზავნილების სისტემით სარგებლობა, სხვადასხვა ტიპის დეპოზიტების გახსნა, კომუნალური გადასახადების დაფარვა.
შეგახსენებთ, რომ 2011 წელს "ლიბერთი ბანკმა" 14 ახალი სერვისცენტრი გახსნა საქართველოს სხვადასხვა რეგიონში, მათ შორის: თბილისში, კახეთში, ქვემო ქართლში, შიდა ქართლსა და აჭარაში. ლიბერთი ბანკს საქართველოში ყველაზე ვრცელი საბანკო ქსელი აქვს. 197 სერვისცენტრისა და 100-მდე "ლიბერთი ექსპრესის" მობილური სერვისცენტრების მეშვეობით, "ლიბერთი ბანკი" ქვეყნის მოსახლეობის 1,3 მლნ ფიზიკურ და 39 000 იურიდიულ პირს ემსახურება.
