სოციალურ ქსელ Facebook-ში "პარლამენტის თავმჯდომარის ვირტუალური არჩევნები" იანვრის ბოლოს დაიწყება.
პარლამენტის საზოგადოებასთან ურთიერთობისა და ინფორმაციის დეპარტამენტი ინფორმაციით, სოციალურ ქსელში ვირტუალური არჩევნები მომხმარებელთა თხოვნით იწყება და თამაში ერთი თვის განმავლობაში გაგრძელდება.
თამაშში გამარჯვებული ერთ სამუშაო დღეს პარლამენტის თავმჯდომარე დავით ბაქრაძესთან ერთად გაატარებს.
სოციალური ქსელის მომხმარებლებს საშუალება აქვთ, ვირტუალურ არჩევნებთან დაკავშირებით, რეკომენდაციები და მოსაზრებები პარლამენტის პრესსამსახურს მიაწოდონ.
ვირტუალურ არჩევნებში რეალური კანდიდატები დარეგისტრირდებიან, რომლებიც საარჩევნო კამპანიას წარმართავენ, კერძოდ, მათ ეყოლებათ მხარდამჭერები, თანამოაზრეები და ა.შ..
შეგახსენებთ, რომ დავით ბაქრაძე სოციალურ ქსელ Facebook-ში საკუთარ გვერდზე, ვირტუალური არჩევნების გამართვის ინიციატივით გამოვიდა, თამაშის გამარჯვებული ირაკლი ღლონტი გახდა, რომელიც საკანონმდებლო ორგანოში, 14 ნოემბერს ბიუროს სხდომასა და სპიკერის პირად შეხვედრებს დაესწრო.
