ირაკლი ალასანია საქართველოს მთავრობას სოფლების დასახმარებლად საგანგებო ფონდის შექმნის ინიციატივით მიმართავს.
ინიციატივის შესახებ "თავისუფალი დემოკრტების" ლიდერმა დღეს გორის რაიონის სოფელ ფხვენისში, მოსახლეობასთან შეხვედრისას განაცხადა.
მისივე თქმით, აღნიშნული ფონდი რეგიონებში იმ სოფლებს უნდა დაეხმაროს, რომლებიც უამინდობისა და ყინვების გამო უკიდურეს მდგომარეობაში აღმოჩნდნენ და მოსავლის გარეშე დარჩნენ.
"საბიუჯეტო თანხები მხოლოდ გართობაზე და შადრევნებზე არ უნდა იხარჯებოდეს, ეს თანხები მოსახლეობის გაუსაძლისი ვითარების გამოსწორებას უნდა ხმარდებოდეს", - განაცხადა ირაკლი ალასანიამ.
