წელიწადნახევრიანი ტყვეობის შემდეგ სომალში დატყვევებული ქართველი მეზღვაურები შესაძლოა რამდენიმე საათში გაანთავისუფლონ.
2010 წლის სექტემბერში, ხომალდ "ოლუპელ აიჯიზე" სომალელმა მეკობრებბმა 18 ქართველი და 14 თურქი მეზღვაური დააკავეს და გამოსასყიდის სახით რამდენიმე მილიონ დოლარს ითხოვდნენ, რის გამოც ხომალდის მფლობელმა კომპანიამ მეკობრეებთან მოლაპარაკება შეწყვიტა.
ქართვეული მეზღვაურების გათავისუფლების თაობაზე ინტენსიურ მოლაპარაკებას საქართველოს პრეზიდენტის უშუალო პატრონაჟით მთავრობის უწყებათშორისი კომისია აწარმოებს. ჯერ-ჯერობით ამ თემაზე ოფიციალური კომენტარები არ კეთდება, მაგრამ ტელეკომპანია "იმედის" ინფორმაციით, მხარეებმა მოლაპარაკების პროცესში სერიოზულ პროგრესს მიაღწიეს, რაც დიდი შანსია, რომ მეზღვაურების გათავისუფლებით დასრულდეს.
