ბიძინა ივანიშვილი დღეს ცნობილ ქართველ მოჭადრაკეს ზურაბ აზმაიფარაშვილს შეხვდა. როგორც ივანიშვილის პრესსამდივნო იუწყება, ზურაბ აზმაიფარაშვილმა საზოგადოებრივი მოძრაობა „ქართული ოცნების" თავმჯდომარეს ბიძინა ივანიშვილს მხარდაჭერა პირადად გამოუცხადა.

ზურაბ აზმაიფარაშვილი დაიბადა თბილისში, 1960 წლის 16 მარტს. იგი არის საერთაშორისო დიდოსტატი (1988), ევროპის პირადი ჩემპიონატის III პრიზიორი (2001) და ჩემპიონი (2003), ევროპის გუნდური ჩემპიონატის III პრიზიორი (2003), ფიდეს მსოფლიო ჩემპიონატის ფინალური ეტაპების ხუთგზის მონაწილე (1997, 1999-2001, 2004), საჭადრაკო ოლიმპიადების მონაწილე (1992-2004; 1998 წელს თავის დაფაზე მოიპოვა მცირე ვერცხლის მედალი: 10-იდან 8). მისი სარეკორდო სარეიტინგო მაჩვენებელია - 2007 ქულა (2003). ზ. აზმაიფარაშვილი იყო გარი კასპაროვის სეკუნდანტი მსოფლიოს პირველობის მატჩებში (1987-1994), საქართველოს ჭადრაკის ფედერაციის პრეზიდენტი (1998-2000) და თანაპრეზიდენტი (2000-2004), შავი ზღვის აუზის ქვეყნების საჭადრაკო ასოციაციის პრეზიდენტი (1999-2004). 2002 წლიდან იგი ფიდეს ვიცე-პრეზიდენტია. ზურაბ აზმაიფარაშვილი III ხარისხის ვახტანგ გორგასლის ორდენის კავალერია.