დიდუბის პანთეონში უცნობმა პირებმა ჯაბა იოსელიანის საფლავზე 90-იანი წლების ამსახველი ფოტოები დატოვეს. ამასთან დაკავშირებით "ჯი-ეიჩ-ენს" პანთეონის დირექტორმა ბადრი ქუთათელაძემ განუცხადა.
"დილით, როდესაც მოვედი კარები დაკეტილი დამხვდა. უცნობი პირები ღობიდან არიან გადამძვრალები და საფლავზე, გვიან ღამით 90-იანი წლების ამსახველი სურათები დააწყვეს, სადაც ჯაბა იოსელიანი თავის მეგობრებთან ერთად არის გამოსახული. საფლავი ცოტა ამოჩიჩქნილია, სადაც უცნობმა პირებმა ნიჩაბიც დატოვეს", - განაცხადა "ჯი-ეიჩ-ენთან" საუბარში ქუთათელაძემ.
შეგახსენებთ, რომ ჯაბა იოსელიანის საფლავთან მსგავსი ფაქტი 2008 წელსაც მოხდა, რომლის შემდეგაც ერთი კვირის განმავლობაში საფლავზე ადგილობრივი პოლიცია მორიგეობდა.
"ეს ფაქტი განპირობებულია, იმით რომ საზოგადოების ნაწილი ფიქრობს, რომ ჯაბა იოსელიანის საფლავი დიდუბის პანთეონში არ უნდა იყოს. აქედან გამომდინარე უკვე მეორეჯერ დაფიქსირდა უცნობი პირების მიერ საფლავის შეურაცხყოფის მცდელობა", - აღნიშნა "ჯი-ეიჩ-ენთან" ქუთათელაძემ.
ამ წუთებში დიდუბის პანთეონში კრიმინალური პოლიცია იმყოფება და გუშინდელ ფაქტს ადგილზე განიხილავს.
