საქართველოს საპატრიარქო განცხადებას ავრცელებს და მრევლს აფრთხილებს, რომ ნუ მიიღებენ საეჭვო წარმომავლობის ცომეულს, რომელიც იყიდება ისე, რომ თითქოს წმიდა მატრონას სახელობის მონასტრიდანა.
"როგორც შეგვატყობინეს, ბოლო პერიოდში საქართველოს ტერიტორიაზე (უმეტესად თბილისში) ვრცელდება ცომი (ან პური, თავისი გამოცხობის თანდართული რეცეპტით) თითქოს და წმიდა მატრონას სახელობის მონასტრიდან. წმიდა მატრონას სავანე თავის ოფიციალურ საიტზე მორწმუნეებს აფრთხილებს, რომ ეს სიცრუეა და ამ ცომსა და პურთან მონასტერს არავითარი კავშირი არ აქვს.
გთხოვთ, გამოიჩინოთ სიფხიზლე და ნუ მიიღებთ ამ საეჭვო წარმომავლობის ცომეულს; ასევე გააფრთხილეთ სხვებიც", - ნათქვამია განცხადებაში.
