კომპანია "თელასის" ფინანსური მხარდაჭერით, სათნოების სახლ "კათარზისში" ტრადიციული კონკურსი "სუპერ ბებია და სუპერ ბაბუა 2012" ჩატარდა.
კონკურსში 30 მოხუცი მონაწილეობდა - "კათარზისის" და საქართველოს სხვა რეგიონებში განლაგებული სათნოების სახლების წარმომადგენლები. ყველა ბებია და ბაბუა ცდილობდა თავისი თავი წარმოეჩინა. მოხუცები ცეკვადენ, მღეროდნენ, კითხულობდნენ ლექსებს.
კონკურსის მონაწილეებისთვის კომპანია "თელასმა" ფულადი ჯილდო დააწესა. გამარჯვებულები 300 ლარით დაჯილდოვდნენ, ხოლო დანარჩენი მონაწილეები - 50-50 ლარით. საახალწლო ნობათი, ტკბილეული, "თელასისგან" ყველა კონკურსანტმა მიიღო.
"თელასი", ტრადიციული საქველმოქმედო აქციის ფარგლებში, "კათარზისს" ზამთრის პერიოდში მოხმარებული ელექტროენერგიის საფასურს დაუფარავს (2011 წლის 1-ლი ნოემბრიდან 2012 წლის 30 აპრილის ჩათვლით). შესაბამისი სერტიფიკატი სათნოების სახლს სს "თელასის" საზოგადოებასთან ურთიერთობის დეპარტამენტის უფროსმა ვალერი ფანცულაიამ გადასცა.
"კათარზისს" კომპანია "თელასი" 2005 წლიდან მფარველობს. საქველმოქმედო პროგრამის ფარგლებში "თელასი" მოხუცთა თავშესაფარს ზამთრის პერიოდში მოხმარებული ელექტროენერგიის საფასურს უფარავს და მიუსაფარ მოხუცებს პროდუქტით უზრუნველყოფს. დახმარების ტრადიციული პროგრამის გარდა, კომპანია სათნოების სახლს საჭირო ინვენტარითაც სისტემატურად ეხმარება.