"ქართულ ოცნებას" კონტროლის პალატის ფინანსური ანგარიშის წარდგენის შესახებ წერილი ამ დროისთვის არ მიუღია. ამის შესახებ ჟურნალისტებთან საუბრისას "ქართული ოცნების" ადმინისტრაციის უფროსმა, მაია ფანჯიკიძემ განაცხადა. მისი თქმით, წერილის მიღების შემდეგ, "ქართული ოცნება" გააკეთებს იმას, რასაც კანონი ავალდებულებს.
"არც დღეს და არც წინა დღეებში არ მიგვიღია, არანაირი წერილი, არანაირი ფოსტა, რომელიც ითვალისწინებს დოკუმენტაციის წარდგენას. როდესაც მივიღებთ ამ წერილს, გავეცნობით მის შინაარსს და შემდეგ გადავწყვეტთ, რა უნდა გავაკეთოთ. რა თქმა უნდა, გავაკეთებთ ყველაფერს, რასაც კანონი ჩვენგან მოითხოვს", - განაცხადა ფანჯიკიძემ.
კონტროლის პალატის მონიტორინგის სამსახური ანგარიშის წარსადგენად "ქართულ ოცნებას" "გონივრულ ვადას განუსაზღვრავს. პოლიტიკურ პარტიებს ანგარიშების წარსადგენად ვადა 1-ელ თებერვლამდე აქვთ.
