2012 წლიდან შინაგან საქმეთა სამინისტროს თანამშრომლებს საველე კომპიუტერები დაურიგდებათ. დღეს პორტატული კომპიუტერების აწყობის პროცესი საქართველოს შინაგან საქმეთა მინისტრმა, ივანე მერაბიშვილმა „ალგორითმის" ქარხანაში პირადად დაათვალიერა და მისი განსაკუთრებული ფინქციები თავადვე გამოსცადა. ეგრედ წოდებული "police pad"-ი პირდაპირ იქნება დაკავშირებული სამინისტროს შიდა ქსელთან, რისი მეშვეობითაც პატრულის თანამშრომელს საშუალება ექნება შემთხვევის ადგილზევე მოახდინოს პირის იდენტიფიკაცია, სურათის გადაღება, სვხადასხვა ინფორმაციის ჩანიშვნა და ა.შ.
მერაბიშვილის თქმით, საველე კომპიუტერის მეშვეობით მოქალაქეებსა და პოლიციის თანამშრომლებს გაუმარტივდებათ ყველა იმ სერვისის მიღება, რასაც შინაგან საქმეთა სამინისტრო სთავაზობს საზოგადოებას.
პირველ ეტაზე "police pad" - ით პოლიციის 5 000 თანამშრომელი აღიჭურვება.