საქართველოში ევროკავშირის დელეგაციის ხელმძღვანელისა და ელჩის ფილიპ დიმიტროვის მიწვევით დღეს, 5 იანვარს სამოქალაქო მოძრაობა "ქართულ-აფხაზური და ქართულ-ოსური სახლის" თავმჯდომარე ნესტან კირთაძე ევრკოავშირის ელჩს ფილიპ დიმიტროვის შეხვდა.
შეხვედრაზე ნესტან კირთაძემ ევროკავშირის ელჩს დეტალურად გააცნო სამოქალაქო მოძრაობის ახალი სამშვიდობო ინიციატივა და სტრატეგია და "ქართულ-აფხაზური და ქართულ-ოსური სახლის", როგორც 2008 წლის აგვისტოს ომის შემდეგ შექმნილი პირველი სამშვიდობო ინსტიტუციისა და ცენტრის მიზნები და ძირითადი მიმართულებები.
"ჩვენ მზად ვართ მუდმივი დიალოგის რეჟიმში განვიხილოთ სატრანსპორტო კომუნიკაციების აღდგენის, სავაჭრო-ეკონომიკური ურთიერთობების დაწყების და ჯანდაცვისა და სხვა სოციალური ხასიათის პროექტიბი, რომლებიც ხელს შეუწყობენ აფხაზებთან და ოსებთან სამშვიდობო ურთიერთობების დაწყებას და ადამიანური ურთიერთობების დონეზე კონტაქტების გაღრმავებას. იმედი გვაქვს , რომ აფხაზები და ოსები სწორად შეაფასებენ ჩვენს სამშვიდობო ინიციატივებს და უახლოეს მომავალში მათი მხრიდანაც იქნება შემხვედრი ინტერესები, წინადადებები და პროექტები", -აღნიშნა ევროკავშირის ელჩთან შეხვედრის დროს ნესტან კირთაძემ.
კირთაძემ ელჩს ასევე მიაწოდა ინფორმაცია, რომ სამოქალაქო მოძრაობა "ქართულ-აფხაზურ და ქართულ-ოსურ სახლს" უკვე შეუერთდნენ სტუდენტი ახალგაზრდები და მასთან კოალიციურ პრინციპებზე თანამშრომლობის სურვილს გამოთქვამენ სხვა არასამთავრობო ორგანიზაციები.
ევროკავშირის ელჩმა საქართველოში, ფილიპ დიმიტროვმა უაღრესად მნიშვნელოვანი უწოდა ამ სამშვიდობო ინიციატივას და ინსტიტუციას და ასევე დეტალურად განიხილა ყველა რეალური შესაძლებლობანი ამ მიმართულებით.
"ეს უაღრესად რთული გზაა, მაგრამ მშვიდობას და სამშვიდობო ურთიერთობებს ალტერნატივა არააქვს." - განაცხადა შეხვედრის დროს ფილლიპ დიმიტროვმა.
ევროკავშირის ელჩმა საქართველოში მხარდაჭერა გამოხატა ახლადშექმნილკი საქმოქალაქო მოძრაობის მიმართ და მზადყოფნა გამოთქვა მასთან შემდგომი თანამსრომლობისათვის.
შეგახსენებთ, რომ ახალი სამშვიდობო ინიციატივისა და ინსტიტუციის შესახებ ინფორმაცია და მასალები უკვე გადაეგზავნა საქართველოში აკრედიტებულ სელჩოებს, დიპლომატიურ კორპუსებს და საერთაშორიო ორგანიზაციებს; აშშ-ის სახლემწიფო დეპარტმენტს; რუსეთის ფედერაციის საგარეო საქმეტა მინისტრს და ჟენევის მოლპარაკებებში რუსეთის ფედრეაციის დელეგაციეს ხელმძღვანელს.
