საქართველოში 2011 წელს შიდსის 389 ახალი შემთხვევა გამოვლინდა. ამის შესახებ ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის სტატისტიკაშია ნათქვამი. აღნიშნული ცენტრის მონაცემებით, შიდსის შემთხვევებმა 2011 წელს 2010 წელთან შედარებით 66-ით იკლო.
საქართველოში 2011 წლის 1 დეკემბრის მონაცემებით ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრში რეგისტრირებულია შიდსის ვირუსით ინფიცირების 3080 შემთხვევა. აქედან 2268 - მამაკაცი, 812 კი ქალია. პაციენტთა უმრავლესობა 29-დან 40 წლამდეა. შიდსი განუვითარდა 1891 პაციენტს, 680 გარდაიცვალა.
