"ვიცე მის-საქართველო 2011" ანი ხუციშვილი მალაიზიაში, სილამაზის საერთაშორისო კონკურსზე Miss Tourism International 2011-ის 15 საუკეთესოს შორის მოხვდა.
მალაიზიაში სილამაზის კონკურსი 31 დეკემბერს გაიმართა და საქართველოს წარმომადგენელი, 19 წლის ანი ხუციშვილი 15 საუკეთესო გოგონას შორის დასახელდა.
ცნობისთვის, 54 მონაწილიდან, 15 საუკეთესო გოგონას შორის მოხვდნენ აგრეთვე ჩეხეთის, ტაილანდის, პანამას, მონღოლეთის, სინგაპურის, კოსტა რიკას, პორტუგალიის, მალაიზიის, ინდოეთის, ბრაზილიის, ჩინეთის, ყირგიზეთის, შრი-ლანკას და პერუს წარმომადგენლები.
კონკურსის გამარჯვებული 22 წლის მალაიზიელი AILEEN GABRIELLA ROBINSON გახდა.
შეგახსენებთ, რომ Miss Tourism International-ი წელს უკვე მე-15 ჩატარდა.
კომპანია "იმიჯ ცენტრის" მიერ გავრცელებული ინფორმაციით, 2006 წელს საქართველოს წარმომადგენელი, ნინო აბაშიძე ტოპხუთეულში შევიდა და Miss Global Beauty გახდა; 2004 წელს სალომე ჩიკვილაძე ათეულში მოხვდა და ნომინაცია Miss Grace მიიღო; 2003 წელს მარიამ ნურიევაც ტოპათეულში ნომინაცია Miss Best Body მიიღო.
