2011 წელს 176-მა საქართველოს მოქალაქემ ლატვიას თავშესაფარის თხოვნით მიმართა. როგორც ქვეყნის სამოქალაქო საქმეთა და მიგრაციის სამმართველოში აცხადებენ, საქართველოდან თავშესაფრის მთხოვნელთა რაოდენობა ნახევარზე მეტია საერთოდ ამ მიზნით მიღებული განცხადებების.
საქართველოს მოქალაქეების გარდა ლატვიაში თავშესაფარი ითხოვა კონგოს 39-მა; რუსეთის 18-მა; ირანის 16-მა და კამერონისა და ლიბიის 10 მოქალაქემ.
როგორც სამოქალაქო და მიგრაციის საქმეთა სამმართველოს წარმომადგენელი ანდრეი რიაბცევი აცხადებს, ამ დროისთვის 27 განცხადება დაკმაყოფილებულია. Aმავდროულად, რიაბცევი ვერ აკონკრეტებს იმ გარემოებას, თუ რატომ იწვევს ლატვია საქართველოს მოქალაქეებში განსაკუთრებულ ინტერესს. თუმცა, ქვეყანაში ვარაუდობენ, რომ ლატვია შესაძლოა თავშესაფარის მთხოვნელთა მიერ განიხილებოდეს როგორც ევროკავშირის ქვეყნებში სატრანზიტო გზად.
