დედოფლისწყაროს რაიონის სოფელ სამთაწყაროდან თბილისის რეფერალურ ჰოსპიტალში გადაყვანილი 10 წლის გიორგი ცეცხლაძის ჯანმრთელობის მდგომარეობა ამ დროისთვის შედარებით უკეთესადაა. ამის შესახებ "ჯი-ეიჩ-ენს" რეფერალური ჰოსპიტალის მთავარმა ექიმმა, ქეთი შარანგიამ განუცხადა. ცეცხლაძეს თავდაპირველად მწვავე ნეფრიტი დაუდგინდა, თუმცა შარანგიას თქმით, მწვავე ნეფრიტის გარდა შესაძლოა ადგილი ჰქონდეს ნეფრიტულ სინდრომსაც.
"გიორგი ცეცხლაძე ამ დროისთვის ცოტატი უკეთესადაა. მწვავე ნეფრიტის გარდა შეიძლება იყოს ნეფრიტული სინდრომი. კვლევის პროცესში ვართ. იყო თირკლმის უკმარისობაც. შედარებით უკეთესად არის იმასთან შედარებით, სანამ აქ მოიყვანდნენ. კონკრეტული შედეგები ალბათ ხვალ გვექნება და უფრო დაწვრილებით ხვალ შემიძლია მოგახსენოთ. ზუსტი დიაგნოზი ალბათ ხვალ გვეცოდინება", - განაცხადა შარანგიამ.
