”თავისუფალი დემოკრატების” ლიდერი ირაკლი ალასანია 2012 წლის დადგომას (ახალ წელს) ზუგდიდის რაიონში შეხვდა. ახალწლის ღამეს იგი სტუმრად ეწვია ფრიდონ ნაჭყებიას ოჯახს.
აფხაზეთიდან დევნილი ნაჭყებიები ამჟამად ზუგდიდის რაიონის სოფელ ახალსოფელში ცხოვრობენ.
ირაკლი ალასანიამ მასპინძლებს 2012 წლის შემობრძანება მიულოცა და ბედნიერება უსურვა.
`ეს ყოფილიყოს სიკეთის წელი მთელი საქართველოსთვის. ჩვენს ოჯახებში მშვიდობა შემოსულიყოს. ყველაზე მთავარი, რაც დღეს გვჭირდება, ის არის, რომ მშვიდობა იყოს ყველგან, ქვეყანაში, ოჯახებში. ვისურვებ, რაც შეიძლება მეტმა ადამიანმა იპოვოს სამართალი. აღარ იყოს სიღატაკე, აღარ იყვნენ გაჭირვებულები. ამის პოტენცია ჩვენს ქვეყანას ნამდვილად გააჩნია. დარწმუნებული ვარ, 2012 წელი ფეხბედნიერი იქნება ყველა ჩვენგანისთვის~, _ განაცხადა ირაკლი ალასანიამ.
როგორც `თავისუფალი დემოკრატების~ ლიდერი აცხადებს, მხოლოდ დედაქალაქიდან, ან მხოლოდ სადღესასწაულო დღეებში ურთიერთობა რეგიონებთან საკმარისი არ არის. ამიტომაც გადაწყვიტა ახალ წელს ზუგდიდელებთან ერთად შეხვედროდა.
