სამოქალაქო მოძრაობა "ქართულ-აფხაზური და ქართულ-ოსური სახლის" თავმჯდომარემ ნესტან კირთაძემ აფხაზ და ოს ხალხს ახალი წელი მიულოცა.
"სამოქალაქო მოძრაობა "ქართულ-აფხაზური და ქართულ-ოსური სახლის" სახელით დამდეგ 2012 წელს ვულოცავ აფხაზ და ოს ხალხს. ახალი წელი განახლების, იმედების და სურვილების დღესასწაულია. წყალობა, მშვიდობა, სიხარული და კეთილდღეობა მოგეცეთ თქვენ, თქვენს ოჯახებს, თქვენს შვილებსა და მომავალს", - ნთქვამია კირთაძის მილოცვაში.
"ქართულ-აფხაზურ და ქართულ-ოსურ სახლის" თავმჯდომარე მილოცვაში აცხადებს რომ, სამოქალაქო მოძრაობას სტუდენტი-ახალგაზრდები შეუერთდნენ, "რაც იმას ნიშნავს, რომ ჩვენს მიერ თბილისიდან გაჟღერებულ სამშვიდობო ინიციატივას ახალგაზრდები უჭერენ მხარს, და ჩვენს სამშვიდობო ურთიერთობებს ურყევი მომავალი აქვს".
"ისინი გულწრფელად უერთდებიან საახალწლო მილოცვას და წინსვლასა და წარმატებებს უსურვებენ აფხაზ და ოს ახალგაზრდებს. ღმერთმა ბედნიერი ახალი წელი გაგითენოთ და წყალობა, მშვიდობა, სიხარული და კეთილდღეობა მოგანიჭოთ, თქვენ", - მიმართავს აფხაზებსა და ოსებს კირთაძე.
