დღეს, 30 დეკემბერს, 13:00 საათზე, სასტუმრო "ჰოლიდეი ინის" წინ მდებარე მოედანზე გაზეთ "ასავალ-დასავალის" ინიციატივით გაიმართება აქცია, სახელწოდებით "ვეძებთ სიტყვის თავისუფლებას!"
აქციაზე პრესის ჯიხურების აღებას გააპროტესტებენ. აქციის მონაწილეები ხელში დაიჭერენ ანთებულ ფარნებს.
"როგორც ძველი ბერძენი ფილოსოფოსი დიოგენე დღისით-მზისით ანთებული ფარნით დადიოდა ქუჩებში და ადამიანებს ეძებდა, ჩვენც ასე დავიწყებთ თავისუფალი მედიის, სიტყვის თავისუფლების ძებნას. ყველა ადამიანს, ვისთვისაც ძვირფასია საქართველოში სიტყვის თავისუფლების, თავისუფალი მედიის არსებობა, ფარნებით (ან ფანრებით) ვეპატიჟებით ამ აქციაზე. ერთად დავუპირისპირდეთ ნაციონალური რეჟიმის გადამწყვეტ ბრძოლას სიტყვის თავისუფლების წინააღმდეგ", - აცხადებენ აქციის ორგანიზატორები.
