დაავადებათა კონტროლის ეროვნული ცენტრი მოსახლეობას მოუწოდებს ნაკლებად მოიხმარონ სახლის პირობებში დამზადებული კონსერვები ან ის მიღებამდე თერმულად დაამუშავონ.
ცენტრის ინფორმაციით, ბოლო პერიოდის განმავლობაში ბოტულიზმის რამდენიმე შემთხვევა უკვე დაფიქსირდა, ცოტა ხნის წინ კი ინფექციურ საავადმყოფოში ბოტულიზმის დიაგნოზით ერთი ოჯახის სამი წევრი მკურნალობდა.
"ამჟამად არის ბოტულიზმის სეზონი, ვინაიდან ადამიანები განსაკუთრებულად აქტიურად მოიხმარენ ამ დროს კონსერვირებულ საკვებს. გვინდა გავაფრთხილოთ, რომ ბინის პირობებში დაკონსერვებული საკვები გარკვეულწილად რისკს წარმოადგენს, რასაც ვერ ვიტყოდით ქარხნულ პირობებში დამზადებულ საკვებთან მიმართებაში. რაც შეეხება სიმპტომებს საყურადღებოა მხედველობის გაორება, ხმის შეცვლა, მიმიკის შეცვლა, შემდეგ შესაძლოა ეს დამბლა პროგრესირებდეს და სუნთქვაში მონაწილე კუნთები ჩაერიოს პროცესში და სუნთქვის უკმარისობით გართულდეს, თუ არ მიმართა პაციენტმა სტაციონარს", _ აცხადებს დაავადებათა კონტროლის ეროვნული ცენტრის დირექტორი მაია ბუწაშვილი.
ცენტრის რეკომენდაციით სიმპტომების გამოვლენისთანავე პაციენტებმა ექიმს დროულად უნდა მიმართონ.
