ბიძინა ივანიშვილისა და ეკატერინა ხვედელიძის სარჩელზე გადაწყვეტილება დღეს, 27 დეკემბერს გამოცხადდება. თბილისის საქალაქო სასამართლოს ადმინისტრაციულ საქმეთა მოსამართლე შოთა გეწაძე 14:00 საათზე, გადაწყვეტილების სარეზოლუციო ნაწილს გამოაცხადებს.
სარჩელის განხილვა დასრულდა. მოსარჩელეთა წარმომადგენლებმა განაცხადეს, რომ მიხეილ სააკაშვილის 11 ოქტომბრის ბრძანება, ივანიშვილისა და ხვედელიძისთვის საქართველოს მოქალაქეობის გაუქმებასთან დაკავშირებით, უკანონოა და მისი გაუქმება მოითხოვეს. მათ ივანიშვილის პოლიტიკური გააქტიურების შემდეგ სააკაშვილის პირად დაინტერესებაზე გაამახვილეს ყურადღება.
ივანიშვილისა და ხვედელიძის ინტერესებს სასამართლოში ეკა ბესელია, ზაქარია ქუცნაშვილი, ალექსანდრე ბარამიძე, შალვა თადუმაძე და არჩილ კბილაშვილი იცავენ.
