„დემოკრატიული მოძრაობა" უწმინდესსა და უნეტარესს, სრულიად საქართველოს კათალიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს ილია II-ს აღსაყდრების დღეს ულოცავს.
"უწმინდესისა და უნეტარესის ილია II-ს კათალიკოს-პატრიარქად მოღვაწეობის 34 წელი, საქართველოს ისტორიის მანძილზე უპრეცედენტო საეკლესიო აღმშენებლობისა და პრაქტიკულად განადგურებული საეკლესიო და სამონასტრო ცხოვრების გამოცოცხლების წლებია", - ნათქვამია "დემოკრატიული მოძრაობის" მიერ გავრცელებულ განცხადებაში.
მათივე შეფასებით, პატრიარქი არის ადამიანურობისა და სათნოების, საკუთარი ხალხის ბრძენი წინამძღოლის ნათელი მაგალითი ყველა მართლმადიდებელი ქრისტიანისათვის და რაც ყველაზე მნიშვნელოვანია სხვა კონფესიისა და აღმსარებლობის ადამიანებისათვისაც.
"მის მიმართ სიყვარული საზოგადოების და პატივისცემა ადექვატურია და ამიტომაცაა, რომ ერის სულიერი მამა და საქართველოს სამოციქულო ეკლესია ყველაზე დიდ პატივისცემასა და სანდოობსს იმსახურებს. „დემოკრატიული მოძრაობა" ჯანმრთელობასა და მხნეობასა უსურვებს უწმინდესსა და უნეტარესს. დაე მისი ლოცვა-კურთხევის მადლი კიდევ დიდ ხანს იფარავდეს და ეწეოდეს საქართველოს და სრულიად მართლმადიდებულ სამყაროს", - აღნიშნულია განცხადებაში.
შეგახსენებთ, რომ დღეს საქართველოს კათოლიკოს-პატრიარქის ილია მეორის აღსაყდრებიდან 34 წელის შესრულდა.
