ხვალ, 26 დეკემბერს, 12:00 საათზე - რესტორანი ,,მონოპოლი" და მისი პარტნიორი, სოციალურად დაუცველი, ახალგაზრდების პრობლემებზე მომუშავე არასამთავრობო ორგანიზაცია, ,,სტუდია ეიდისი", ახორციელებენ აქციას.
,,მონოპოლის" მმართველი ჯგუფი, რესტორნის საიუბილეო თარიღთან დაკავშირებით, აქციის ფარგლებში, საქველმოქმედო ,,საახალწლო ზეიმზე" იწვევს ორას მზრუნველობამოკლებულ და ორმოცდაათ შეზღუდული შესაძლებლობების მქონე ბავშვს.
ბავშვებს გაუმასპინძლდებიან საახლწლო სუფრით და მათთვის გაიმართება კონცერტი, ნინი შერმადინის, ნინი ქარსელაძის, ბექა ბროლაძის, ზურა ვადაჩკორიას და ორი ჯუჯას (ტატიშვილი და კვაშალი) მონაწილეობით. რა თქმა უნდა, ღონისძიებაზე საპატიო სტუმრებიც იქნებიან: თოვლის ბაბუა, ფიფქია და სხვები.
მნიშვნელოვანია ის ფაქტი, რომ აქციაში მონაწილეობას იღებენ და საახალწლო ზიმზე მოწვეულები არიან საქართველოში მოქმედი ბიზნესჯგუფების ოჯახის წევრები და მათი შვილებიც. აქციის ორგანიზატორებს განზრახული აქვთ ხელი შეუწყონ ე.წ. „სამეგობროების" დაარსებას, რაც გულისხმობს ბიზნესის სექტორში სოციალური პასუხისმგებლობის კულტურის დანერგვას და პროპაგანდას ქვეყნაში.
